Translate to...

પોતાના ખોટાં અનુમાનોને કારણે માણસ જોખમનું સાચું આંકલન નથી કરી શકતો, એક્સપર્ટ્સે જણાવ્યા 5 જરૂરી કારણો

પોતાના ખોટાં અનુમાનોને કારણે માણસ જોખમનું સાચું આંકલન નથી કરી શકતો, એક્સપર્ટ્સે જણાવ્યા 5 જરૂરી કારણો



કોરોનાવાઈરસથી બચવા માટે દુનિયાભરમાં લોકો આશરે 4 મહિનાથી સોશિયલ ડિસ્ટન્સિંગનું પાલન કરી રહ્યા છે. જોકે, કેટલીક જગ્યાએ અનલોક શરૂ થવા પર બાહર નીકળવાના રસ્તાઓ ખૂલી ગયા છે. તેવામાં ઘણા લોકો એ ગણિતમાં વ્યસ્ત છે કે આ દરમિયાન કેટલું સાવધાન રહેવું જરૂરી છે. ડિકિન્સન કોલેજમાં પ્રોફેસર મરી હોલવેગ-લાર્સનના જણાવ્યા અનુસાર, અહીં માત્ર એક જ મુશ્કેલી છે કે માણસ જોખમનું આંકલન કરવામાં સારો નથી. ખાસ કરીને પોતાનાં જોખમ વિશે. જોકે, માણસના મનોવિજ્ઞાનમાં એવી અનેક વસ્તુઓ છે, જે જોખમની સમજણને બદલી શકે છે.

પોતાના પ્રત્યે વધારે આશાવાદી થવુંડૉ. હેલવેગ લાર્સનના જણાવ્યા અનુસાર, આ સોશિયલ સાયકોલોજીની મૂળભુત વસ્તુ છે, જેમાં લોકોને લાગે છે કે અન્ય કરતાં તેમને જોખમ ઓછું છે. આ પ્રકારની ઘટનાઓ દુનિયાભરમાં અનેક સંસ્કૃતિઓમાં જોવા મળે છે. જોકે, ઈન્ડિવિડ્યુઅલાસ્ટિક સોસાયટી (વ્યક્તિવાદી સમાજ)માં રહેતા લોકો તેનું વધારે પ્રદર્શન કરે છે.

નિયંત્રણનો ખોટો અહેસાસ

ડૉ. હેલવેગે જણાવ્યું કે, ‘લોકો પર જેટલું પોતાના પર નિયંત્રણ હોય છે, સામાન્ય રીતે તેઓ એટલા ઓછા ચિંતિત હોય છે. તેથી કેટલાક લોકો વિમાનની સરખામણીએ કારને વધારે સુરક્ષિત માને છે, જોકે, આકંડાઓ જોઈએ તો કારથી વધારે જોખમ છે.’ નેશનલ ટ્રાન્સપોર્ટ સેફ્ટી બોર્ડ પ્રમાણે, વર્ષ 2018માં અમેરિકામાં થયેલા માર્ગ અકસ્માતોમાં 36,560 લોકોએ પોતાનો જીવ ગુમાવ્યો હતો. હવાઈ મુસાફરીમાં 381 લોકો મૃત્યુ પામ્યા હતા. તેવામાં માસ્ક લગાવી અને વારંવાર હાથ ધોવા કોરોનાવાઈરસના જોખમને ઓછું કરવા માટેની રીત છે. સોશિયલ ડિસ્ટન્સિંગ હાલ પણ કોરોનાવાઈરસથી બચવાનો ઉપાય છે.

સંકેત સ્પષ્ટ ન થવા

ડૉ. હેલવેગ લાર્સનના જણાવ્યા અનુસાર, આપણને ઘણી વખત જોખમ વિશે ઘણી બધી જગ્યાથી ખબર પડે છે. ઉદાહરણ તરીકે, આપણને બાળપણમાં જ પણ ખબર હતી કે સ્મોકિંગથી કેન્સર થાય છે. બની શકે કે તેના વિશે આપણને સ્કૂલથી ખબર પડી હોય અથવા પેરેન્ટ્સથી. કોવિડ19ના જોખણને લઈ અનેક વાતો સ્પષ્ટ નથી થઈ. તે સાથે જ ઘણી વાર સ્વાસ્થ્ય અધિકારીઓ અને એક્સપર્ટ્સમાં પણ સુરક્ષાને લઈ બે મત જોવા મળે છે. તેવામાં આસપાસના સંકેતોમાંથી કોના પર વિશ્વાસ કરવો તે નક્કી કરવું મુશ્કેલ બને છે.

દિલાસો

શું તમે એ વિચારી રહ્યા છો કે તમે બહાર મિત્રો સાથે લંચ પર જાવ તે સુરક્ષિત છે કે નહીં તો બની શકે છે કે તમે સર્ચ કરો કે ‘શું કોરોનાવાઈરસ દરમિયાન બહારનું ખાવાનું સુરક્ષિત છે?’ ડૉ. હેલવેગ જણાવે છે કે,આ સર્ચિંગથી એવા આર્ટિકલ આવશે જેમાં લખ્યું હશે કે આ સમયે બહાર ખાવું સુરક્ષિત કેમ છે? હેલવેગ જણાવે છે કે, મોટે ભાગે લોકો એક સચોટ પુરાવાની શોધમાં છે. તેમણે જણાવ્યું કે તેને ‘કન્ફર્મિંગ બાયસ’ કહેવામાં આવે છે. જો તમે ખરા અથમાં બહાર ખાવાનું મન બનાવી રહ્યા છો તો તમારે એ સર્ચ કરવું જોઈએ કે, કોરોનાવાઈરસ દરમિયાન બહાર જઈને ખાવા પર શું જોખમ છે.

એક્સપ્લોઝર થેરપી

આપણામાંથી ઘણા બધા લોકો મહામારી સાથે રહેવા માટે ટેવાઈ ગયા છે. તેનાથી આપણી બચવાની શક્તિ પણ ઓછી થઇ રહી છે. હ્યુસ્ટનમાં આવેલી યુનિવર્સિટી ઓફ ટેક્સાસના ટ્રોમા એન્ડ રેસિલિઅન્સ સેન્ટરના ડિરેક્ટર અને મેકગવર્ન મેડિકલ સ્કૂલમાં સાઈકેટ્રીના પ્રોફેસર રોન એસિએર્નો પ્રમાણે ચિંતા અને ગભરામણ સંબંધિત ફોબિયાથી પીડિત દર્દીઓની સારવાર એક્સપ્લોઝર થેરપી અથવા તો ડરનો સામાનો કરાવીને કરવામાં આવે છે. તેમણે કહ્યું કે, જો તમે શ્વાનથી ડરો છો અને તમારે પપી સ્ટોરમાં કામ કરવું પડે તો તમને તેની ટેવ પડી જશે. કોરોના વાઈરસના સમયમાં રહેવું તે પણ એક પેન્ડેમિક એક્સપ્લોઝર થેરપી છે. કોઈ દુકાન સુધી પ્રથમવાર જાઓ તો તમે ડરી શકો છો, પરંતુ જો તમે બીમાર ન થયા તો બીજી વાર ઓછા ડરની સાથે તે દુકાને જશો. ત્યારબાદ એવું પણ બની શકે કે તમે કેટલાક બિનજરૂરી કામો વિશે પણ વિચારો. મારે તે માનવું પડશે કે 4 મહિના પહેલાંની સરખામણીમાં હવે હું ઓછી ગભરામણ અનુભવું છું. જ્યારે મારા ગ્રામીણ વિસ્તારમાં કોવિડ 19ના સંક્રમણનું જોખમ વધારે છે. આ ઉપરાંત અમે બીજી એક વસ્તુ વિચારી રહ્યા છીએ અને એ છે નોર્મલ લાઈફમાં પાછા ફરવાની ઈચ્છા. ડૉક્ટર હેલવેગ લાર્સન કહે છે કે, આ જાણવું મુશ્કેલ અસામાન્ય નથી કે તમે જે કરવાના છો તે જોખમવાળું છે, પરંતુ તમે એ પણ જાણો છો કે ત્યારબાદ જે ઇનામ મળશે તે આ જોખમ કરતાં મોટું હશે. જોકે તેઓ બધાથી બે વાર વિચારવાની આજીજી કરે છે કે મળનારું ઇનામ શું સાચેમાં એટલું મોટું છે. ખાસ કરીને આ સમયમાં.

આપણું મગજ ક્યારેક-ક્યારેક આશાવાદી થઇ શકે છે. હંમેશાં ખરાબ થાય તે જરૂરી નથી. આ પ્રકારની પરિસ્થિતિમાં તમારું મગજ તમને નકામાં જોખમમાં મૂકી શકે છે.







Human beings could not assess the risk correctly due to their miscalculations