Translate to...

ગુજરાતમાં છેલ્લા 24 કલાકમાં 156 તાલુકામાં હળવો વરસાદ, ભૂજમાં 2 ઈંચથી વધુ વરસાદ

ગુજરાતમાં છેલ્લા 24 કલાકમાં 156 તાલુકામાં હળવો વરસાદ, ભૂજમાં 2 ઈંચથી વધુ વરસાદ



રાજ્યમાં છેલ્લા 10 દિવસથી મેઘ મહેર યથાવત્ છે. સૌથી વધુ સૌરાષ્ટ્રમાં વરસાદ વરસ્યો છે. છેલ્લા 24 કલાકમાં 156થી વધુ તાલુકામાં હળવો વરસાદ વરસ્યો છે. જેમાં ભૂજમાં સૌથી વધુ 2 ઈંચથી વધુ વરસાદ વરસ્યો છે. ત્યારબાદ મહેસાણા, બોટાદ, સુરેન્દ્રનગર, ગીર સોમનાથ, સુરત, અમરેલી, ગાંધીનગર સહિતમાં 22 મીમી થી લઈ 46 મીમી સુધી વરસાદ પડ્યો છે. જ્યારે અમદાવાદ સહિતના કેટલાક જિલ્લાઓમાં સામાન્ય વરસાદને કારણે ઉકળાટ વધતા સ્થાનિકો પરેશાન થયા હતા.

આગામી બે દિવસ સૌરાષ્ટ્ર અને દક્ષિણ ગુજરાતમાં ભારે વરસાદની આગાહીહવામાન વિભાગે 12મી અને 13મી જુલાઈએ સૌરાષ્ટ્ર અને દક્ષિણ ગુજરાતમાં ભારે વરસાદની આગાહી કરી છે. અમદાવાદ હવામાન વિભાગના ડાયરેક્ટર જયંત સરકારે જણાવ્યું હતું કે, 12 અને 13 જુલાઈએ સુરત વલસાડ, નવસારી, દમણ ,દાદરા નગર હવેલી, ગીર સોમનાથ, જૂનાગઢમાં ભારે વરસાદની સંભાવના છે ત્યારે 5 દિવસ સુધી વરસાદી માહોલ જામેલો રહેશે. ત્યારે રાજ્યમાં દક્ષિણ પશ્ચિમના પવન ફૂંકાઈ રહ્યા છે. જેમાં બે દિવસ માટે વરસાદનું જોર ઘટ્યું છે અને ભેજના પ્રમાણ વધારો થયો છે. બે દિવસ બાદ ફરી રાજ્યમાં દક્ષિણ ગુજરાત અને સૌરાષ્ટ્રમાં ભારે વરસાદ મળશે, બીજી તરફ મધ્ય ગુજરાત અને ઉત્તર ગુજરાતના ખેડૂતોએ ધોધમાર વરસાદની રાહ જોવી પડશે. જ્યારે અમદાવાદ,વડોદરા, આણંદ, ખેડા, મહેસાણા, પાટણ સહિતના જિલ્લામાં સામાન્ય વરસાદ રહેશે.

છેલ્લા 24 કલાકમાં સૌથી વધુ 16 તાલુકામાં વરસાદ પડ્યો

જિલ્લો તાલુકો વરસાદ(મી.મી) કચ્છ ભૂજ 60 મહેસાણા કડી 46 બોટાદ ગઢડા 45 સુરેન્દ્રનગર સાયલા 43 ગીર સોમનાથ ઉના 42 સુરત સુરત શહેર 33 અમરેલી જાફરાબાદ 31 રાજકોટ રાજકોટ 30 જામનગર ધ્રોલ 28 જામનગર જામજોધપુર 28 પંચમહાલ શહેરા 27 સુરત કામરેજ 26 દ્વારકા ભાનવાડ 25 ગીર સોમનાથ વેરાવળ 25 ગાંધીનગર માણસા 22 દ્વારકા ખંભાડિયા 22





Light rain in 156 talukas in Gujarat in last 24 hours, more than 2 inches in Bhuj