ઇઝરાયલે સાઈબર એટેક કરીને ઇરાનના પરમાણુ ઠેકાણાને આગ ચાંપી

ઇઝરાયલે સાઈબર એટેક કરીને ઇરાનના પરમાણુ ઠેકાણાને આગ ચાંપી



ઈઝરાયલે દુશ્મન દેશ ઈરાનના ઈસ્ફાહનના નતાંજમાં આવેલા પરમાણુ ઠેકાણા પર સાઈબર હુમલો કરીને આગ લગાવી હતી. આ હુમલાથી યુરેનિયમ સેન્ટર અને મિસાઈલ પ્રોડક્શન સેન્ટરમાં આગ લાગી ગઈ હતી. આંતરરાષ્ટ્રીય અહેવાલોમાં પ્રકાશિત તસવીરો પ્રમાણે ઈરાનના એક સરકારી મકાનનો અમુક હિસ્સો આગના કારણે નાશ પામ્યો છે. આ ઘટના ગુરુવાર સવારની હોવાનું કહેવાઈ રહ્યું છે.

પરમાણુ કેન્દ્રમાં આગ લાગી, પછી વિસ્ફોટ થયોઃ અલ જરીદાઈરાનના પરમાણુ કેન્દ્રમાં એક અઠવાડિયામાં આ બીજો હુમલો છે. કુવૈતના અખબાર ‘અલ જરીદા’ના અહેવાલ પ્રમાણે, સાઈબર હુમલાથી ગુરુવારે ઈરાનના પરમાણુ કેન્દ્રમાં આગ લાગી અને પછી જોરદાર વિસ્ફોટ થયો હતો. તેનાથી ઈરાનનો પરમાણુ કાર્યક્રમ બે મહિના પાછળ જતો રહ્યો છે. ઈરાનની સુપ્રીમ નેશનલ સિક્યોરિટી કાઉન્સિલે (એસએનએસસી) કહ્યું છે કે નિષ્ણાતો આગનાં કારણોની તપાસ કરી રહ્યા છે અને યોગ્ય સમય તેની જાણકારી અપાશે.

આગથી ફક્ત ઇમારતને જ નુકસાન પહોંચ્યું: કેવાન ખોસરાવીએસએનએસસીના પ્રવક્તા કેવાન ખોસરાવીએ કહ્યું કે આ ઘટના પછી નિષ્ણાતોએ તપાસ હાથ ધરી છે કે ત્યાં કોઈ રેડિયેશન નથી. રિએક્ટરને પણ નુકસાન નથી પહોંચ્યું. આગથી ફક્ત ઈમારતને નુકસાન થયું છે. નતાંજ ઈરાનની રાજધાની તહેરાનથી 250 કિ.મી. દૂર છે. આ સમગ્ર કેન્દ્ર એક લાખ ચો. મી. ક્ષેત્રમાં જમીનની નીચે બનાવાયું છે. હવાઈ હુમલાથી સુરક્ષા માટે ત્યાં 25 ફૂટ મોટું કોંક્રિટનું કવચ બનાવાયું છે.

ફાઈટર જેટ હુમલાનો પણ દાવો કરાયોઆંતરરાષ્ટ્રીય અહેવાલો પ્રમાણે ગયા શુક્રવારે ફાઈટર જેટ એફ-16ના પરચિન વિસ્તારમાં મિસાઈલ ઉત્પાદન કેન્દ્ર પર બોમ્બમારો કર્યો હતો. એક રિપોર્ટમાં કહેવાયું હતું કે ઈઝરાયલના એફ-35 ફાઈટર જેટે 26 જૂને ઈરાનના પરચિનમાં બોમ્બમારો કર્યો હતો.

ઈરાન પર થયેલા હુમલાનું કારણ શું?ઈઝરાયલનો આરોપ છે કે ઈરાન યહૂદીઓના વિરોધી હિઝબુલ્લાને શસ્ત્રો અને મિસાઈલો પૂરી પાડે છે. એવા પણ અહેવાલ છે કે ઈરાને એપ્રિલમાં ઈઝરાયલની પાણી પુરવઠા સિસ્ટમ હેક કરવાનો પ્રયાસ કર્યો હતો.

ઈરાન પર અગાઉ પણ હુમલા થયા છે2010માં નતાંજ પરમાણુ કેન્દ્રના કમ્પ્યુટરોમાં સ્ટક્સનેટ વાઈરસ હુમલો થયો હતો, ઉચ્ચ ગતિ ધરાવતા સેન્ટ્રીફ્યુઝને નુકસાન પહોંચ્યું હતું.







ઇરાની પરમાણુ એજન્સી દ્વારા જારી કરાયેલી તસવીર